LEGAZPI CITY — Ipigkondusir kasubagong aga an groundbreaking ceremony kan itutugdok na bagong hepatura kan Daraga Municipal Police sa Barangay Tagas sa nasambit na banwaan.
Sa intrevista kan Bombo Radyo Legazpi ki P/Supt. El Cid Roldan, hepe kan Daraga PNP, nagpahayag ini nin labing kaugmahan katakod kan nakatalaan na konstruksyon kan nasambitan na establishimento.
Segun sa opisyal, an duwang palapag na police station an itutugdok sa 1000 square meters na daga kun sain magkakaigwa na man suboot nin mahewas na parking lot para sa mga mabisita sa hepatura.
Napag-araman na an nasambitan na building an may pondong nagkakatidad na P7.5 million na hali pa sa Camp Crame.
Mientrastanto, nakatalaan man na pakipagkoordinar an nasambitan na hepe sa contractor kan proyekto pata sa pagpupuon na kan patrabaho kaini.
