LEGAZPI CITY—Arestado an sarong lalaki sa pagserbi kan mga kapulisan nin mandamiento de aresto laban saiya sa banwaan kan Baleno, provincia kan Masbate.
Segun ki Baleno MPS COP PMAJ Rustom De La Torre, sa intrevista kan Bombo Radyo Legazpi, binisto an suspetsado na sarong 49-anyos, warang agom, driver, asin residente kan Purok 2, Barangay Cagara, Baleno, Masbate.
Nakumpiskar digdi an duwang pidaso nin heat-sealed transparent sachet na pigtutubudang shabu asin may kantidad na labi P68,000.
Dugang kan opisyal na dating nang drug surrenderee an suspetsado.
Sa presente nakadetenir ini sa kustodiya kan Baleno MPS asin mahahampang sa kasong pagbalgar sa Acta Republika 9165 o Comprehensive Dangerous Drugs Act of 2002.
Mientrastanto, padagos man an pagsagibo nin mga operasyon kan saindang mga kapulisan sa pag-arestar sa mga personang imbuelto sa ilegal na droga.
