Nakatalaan na isumiter kan administrasyon ni Presidente Ferdinand Marcos Jr. sa Kamara de Representante an propuestong P6.352 trilyong budget para masunod na taon, sa aga.
An 2025 National Expenditure Program an pormal na isusumiter ni Budget Secretary Amenah Pangandaman ki Speaker Ferdinand Martin Romualdez asin iba pang opisyal kan Kamara.
Sinabi man ni Speaker Romualdez na handa na an Kamara na tulos na puunan an deliberasyon kaini sa komite.
Paliwanag kaini na pag-aadalan an propuestong pondo asin gagamiton an oversight function ngani na masierto na tama an pigigibong paggastos digdi kan mga ahensya de gobierno.
An bersyon na isusumite kan Kamara an nakalinyada sa mga prayoridad asin Agenda for Prosperity ni presidente Marcos.
Target man na maaprubaran kan Kamara an propuestong pondo antes an recess kan sesyon sa Oktobre.
