Bumwelta si Ako Bicol Partylist Rep. Alfredo Garbin ki Navotas Rep. Toby Tiangco kun saen ibinuyagyag kaini na igwang P529 million budget insertions man ini kan 2025.
Ginibo ni Garbin an rebelasyon makalihis na pauro-utrong inakusaran ni Rep. Tiangco si dating appropriations panel chair Zaldy Co na nagsingit nin pondo sa 2025 national budget.
Sinabi ni Garbin sa P529 million budget insertion ni Tiangco nasa 65% – 70% digdi an napaduman sa flood control projects sa Navotas.
Ipighayag man ni Garbin na warang basehan asin misleading an alegasyon ni Tiangco laban ki Rep. Co.
Napag-araman na may mga proyekto si Tiangco na nakatakod sa mga contractors na pig-iimbestigaran ngunyan huli sa pagkakaimbuelto sa mga maanomalyang flood control projects.
Sinabi ni Garbin an St. Timothy Construction asin SYMS Trading Construction na may kapot sa pirang proyekto ni Tiangco.
Segun ki Garbin, bago pa man magtaram si Tiangco mapadapit sa transparency asin accountability dapat hilingon niya muna an saiyang sadiri.
Pinagiromdoman ni Garbin an publiko na an reklamo ni Tiangco sa House Infra Comm an na-dismiss na huli an mga pigkukwestiyong proyekto an bako parte sa pig-iimbestigaran ngunyan na may kinaaraman sa ghost projects.
Ibinuyagyag man ni Garbin na basado sa record kan GAA asin bicameral conference kaiba suboot si Tiangco na nagboto kaya dae kaini masabutan kun nata pigkukwestyon ini ngunyan kan kongresista.
