LEGAZPI CITY- Nakapagbarewas na an Bureau of Fisheries and Aquatic Resources (BFAR) Bicol nin nasa P51.8 million na kantidad nin pinansyal na asistensya sa mga kwalipikadong parasisira sa rehiyon.
Ini an katakod kan Presidential Assistance for Farmers and Fisherfolks Program.
Segun ki BFAR Bicol Spokesperson Rowena Briones sa intrevista kan Bombo Radyo Legazpi, nakaresibe nin nasa P2, 325 kada saro an nasa 22, 309 na mga parasisira sa rehiyon.
Sa nasabing datos, 4, 329 an benepisyaryo sa provincia kan Albay, 2,542 sa Camarines Norte, 5, 272 sa Catanduanes, mantang nakaresibe man kan nasabing asistensya an nasa 4,045 fisherfolks sa Masbate asin 3,896 sa Sorsogon.
Mientras tanto, sinabi kan opisyal na igwa pa nin tsansa na makaresibe kan nasabing ayuda an mga parasisira na dae nakapagpasiring durante kan pay out.
Segun ki Briones na kinakaipuhan sana ninda na magpasiring sa saindang mga lokal na gobierno para sa detalye.
