LEGAZPI CITY-Nagpahayag nin reaksyon an sarong Punong Barangay kan Brgy. Buyuan Legazpi City manungod sa P500 na Noche Buena na ipigsuhestyon kan Department of Trade and Industry (DTI).
Segun ki Punong Baranagy Ronaldo Miña, sa intrevista kan Bombo Radyo Legazpi na sa hiling niya hababa an nasabing kantidad huli sa dai ini naglalaog sa kulturang Pilipino.
Dagdag pa niya na nagtutubod an pamilyang Pilipino sa mas masaganang pag-abot kan bagong taon kun masagana man an pighaharampangan kan kada pamilya.
Paglinaw niya pa na ibig sabihon kan masagana, iyo an dakul na luto basado sa kulturang dinakulaan na kan pamilyang Pilipino.
Madidifisilan man suboot an ordinaryong pamilya na pagkasyahon an P500 orog na sa may mga estudyante asin sa mga nasa ciudad.
Sa saiyang eksperyensya suboot bilang pamilya, nag-aabot sobra sa P5000 para sa gabos na pangangaipohan.
Sinabi man niya na liwat sa may basehan an DTI, alagad limitado sana kaini an mababakal sa laog kan P500 para sa paghahampangan kan pamilyang Pilipino.
Dugang pa ni Miña na kultura kan Pilipino an pinag-oorolayan asin tood sa mas masagana na new year asin pasko huli sa pagtubod na masagana an buhay sa masunod na taon.
Pwedisir man suboot pagkasyahon alagad madidifisilan siring man na dai ninda suboot madepensaran mismo an nasabing kalkulasyon.
Kaipuhan man suboot na pakusugon asin i-promote an agrikultura kan nacion asin dai maglaom sa mga imported na produkto huli sa kaya kan Food production program kan Pilipinas na siertuhon an sadiring mga pagkakan siring man an sadiring mga produkto.
Pangapudan man niya sa ahensya na pag-adalan ini manungod sa opinyon kan lambang pamilyang pilipino huli sa gari para sa ordinaryong aldaw sana an saindang nagin kalkulasyon.
