LEGAZPI CITY—Tinuyaw asin inapod na pangga-gaslight kan economic think-tank na Ibon Foundation an nagin pahayag kan Department of Trade and Industry (DTI) na bastante suboot an P500 para sa sarong simpleng noche buena ngonian na taon.
Segun ki IBON Foundation Executive Director Sonny Africa, sa intrevista kan Bombo Radyo Legazpi, na imbes na tanggapon kan gobierno na nagtitios an kadaklan sa mga Pilipino, an gari pigkukumbinsi pa an namamanwaan na kasya asin bastante ini.
Aram man suboot kan DTI kun gurano kamahal an presyo kan mga barakalon asin kun gurano kakapos an ganansya kan mga Pilipino, alagad pigpamukha pa sainda na dapat magin maogma sa nasabing kantidad.
Dugang ni Africa na lakdang suboot ini kan gobierno gamit an DTI nganing pagtakloban an mga naglalalang problema siring kan kagutoman asin katiosan sa nacion.
Mientrastanto, pangapodan kan opisyal sa DTI na dae ipag-gaslight an namamanwaan asin magpahiling nin pakikisumaro sa mga Pilipino.
