LEGAZPI CITY- Magtatagama an lokal na gobierno kan Legazpi City nin nasa P50 million na pondo para sa Legazpi City Hospital ngani na maitao an pangangaipo sa bulong asin medical equipment na kaipuhan sa ospital.
Ini an sa paagi kan tabang kan iba pang mga partner agencies.
Segun ki Legazpi City Mayor Alfredo Garbin Jr. sa intrevista kan Bombo Radyo Legazpi na target na maimplementar sa urog na madaling panahon an nasabing programa.
Afuera sa nasabing ospital napag-araman na tatabangan man an bubuksan na rural health unit sa Barangay Rawis asin Super Health Center sa Barangay Homapon.
Aminado an alkalde na kulang na kulang pa an mga ekipahe sa nasabing ospital sa ciudad kaya kinakaipuhan na matawan atensyon ngani na maitao man an pangangaipo kan mga pasyente.
Sa presente pigsasapinal na sana an Memorandum of Agreement sa Department of Health Bicol ngani na makuwa na an pondo na target na maipaluwas sa laog nin sarong bulan.
Kumpiyansa si Garbin na sa paagi kaini, magkakaigwa ninimprovement sa pagtatao nin health services sa ciudad.
