LEGAZPI CITY-Preparado na an nasa P3-Milyon na standby funds asin an Department of Social Welfare and Development Bicol warehouses para sa pag-abot kan typhoon season.
Segun kay Department of Social Welfare and Development Bicol Regional Director Norman Laurio, sa intrevista kan Bombo Radyo Legazpi, na padagos man an saindang pakikipagkoordinar sa mga city offices asin sa nasyunal na gobierno ngani makapag-padara pa nin mga family food packs enkaso magkulang ini sa saindang mga warehouses.
Dugang pa ni Laurio na bago pa magabot an Low pressure area, nakapaghakot na sinda nin family food packs katuwang an Philippine Army sa mga darakulang warehouses sa Camarines Sur asin sa Albay kung sain nasa 10,000 – 12,000 na mga idinagdag na food packs.
Naka-posisyon naman suboot an nasa 114 na mga local governemnt unit kung sain 50% na an situated sa mga lugar na nakapagtao naman nin nasa 500 – 1500 na mga food items enkaso tamaan nin kalamidad partikular na sa parte kan Catanduanes asin western part kan Pioduran asin Pilar.
Igwa man suboot na preparadong 12,000 na stockfile nin mga ready-to-eat food packs para sa mga posibleng ma-stranded sa mga pantalan.
Mientrastanto, natawanan nin donasyon an ahensya nin water connection truck hale sa national government kung sain enot an bicol region sa natawanan na magagamit enkaso magkaigwa nin mahiwas na pagbaha asin kun magin kontaminado an mga inomon na tubig kan mga residente.
Mensahe man kan opisyal na pirmihang magdangog sa mga anunsyo kan mga otoridad asin magsunod huli sa obheto kaini na mabawasan an anumnag klase nin disgrasya sa panahon kan kalamidad asin ngani maproteksiyunan an mga buhay kan gabos na indibidwal enkaso magkaigwa nin mahiwas na pagbaha asin pagbagyo sa rehiyon.
