LEGAZPI CITY- Piglamag kan Social Security System an sampulong mga employers na igwang bayolasyon sa pagbabayad kan kontribusyon kan saindang mga empleyado.
Ini an kasunod kan ikinasang Run After Contribution Evaders campaign kan ahensya sa ciudad kan Legazpi.
Segun ki Social Security System spokesperson Jeanette Mapa sa intrevista kan Bombo Radyo Legazpi na nasa poco mas o menos 360 na mga empleyado an apektado huli sa kapabayaan kan nasabing mga employers.
Kaibanan sa mga ini an sarong BPO company sa ciudad.
Paliwanag kan opisyal na pigkakarkulong nasa P3.1 million an posibleng makulekta sa nasabing mga employers enkasong mag-comply an mga ini.
Napag-araman na walo sa nasabing mga employers an may bayolasyon huli sa non-registration asin non reporting na nangangahulugan na dae nag-report sa ahensya kan saindang mga empleyado.
Saro man an huli sa non-remittance o pigkakaltas an employee share alagad dae nagre-remit mantang an sarong employer an huli sa non production of record.
