LEGAZPI CITY — Pinaghahanap pa sa ngunyan kan mga otoridad an tulong lalaki na nanghabon sa sarong Chinese enterprise sa Riosa Street, Tabaco City.
Pagsadiri kan sarong Wilson Sy, 32 anyos na residente kan Fujian China an nasambitan na establisyemento na presenteng nag-eerok sa Brgy. Tayhi sa parehong syudad.
Napag-araman na ginibong entry point kan mga parahabon an pinto sa likod na parte kan establisyemento kun sain pwersahan na naglaog an mga ini makalihis na pukpukon nin matagas na bagay an padlock.
Niraot man kan mga ini an vault sa laog siring man an wooden drawer kun sain nakabugtak an poco mas o menos P200,000 na cash.
Apwera sa nasambitan na impormasyon, nagibo pa suboot kan mga ini na magtext gamit an sarong dae bistong numero na nag-aabiso antes pa man habonan an lugar, bagay na pinasiparahan sana kan tagsadiri.
Sa nugnyan, nagpapadagos an imbestigasyon sa nasambitan na insidente para sa pagkakaarestar sa mga suspek asin pagkakarekober sa mga hinabon kan mga ini.
