LEGAZPI CITY-Nakuwa an 3 gramo nin shabu sa sarong construction worker sa Taysan sa ciudad kan Legazpi.
Segun kay Police Executive Master Sergeant Carlos Paña, Public Information Office kan Legazpi City Police Station, sa intrevista kan Bombo Radyo Legazpi, naarestar an suspek na binistong si alyas “Maki” na 34-anyos, asin residente kan Barangay Polot Taysan.
Nakua sa suspek an 1 gramo nin shabu na igwang kantidad na P6800 asin 3 gramo nin shabu na igwang pigkakarkulong kantidad na P20,000.
Naarestar an suspek sa isinagibong buy bust ioperation kan mga kapulisan sa Taysan.
Mientrastanto, pighahalat pa an commitment order ngani mailipat an suspek nin kulungan. Sa presente, nagtetenir an suspek sa Legazpi City Police Station.
Nagbabayolar an suspek sa kasong Comprehensive Dangerous Drugs Act o an Republic Act No. 9165.
Dagdag ni Paña, wara nin piyansa an pagpapabakal kan droga alagad magkakaigwa ini nin pyansa depende kung nagagamit an suspek sa israrom kan pre-agreement bail.
Pagirumdom pa kan polisya sa nagagamit nin droga o magamit pa sana, na iwasan ini huli sa nararaot kaini an buhay asin potoro kan sarong tawo alagad nagpatanid man siya sa mga magurang na bantayan an saindang mga aki.
Padagos man suboot an mga operasyon kan Legazpi City Police Staion mapadapit sa kampanya laban sa iligal na droga.
