Ipigsuhestyon ni Batangas Rep. Leandro Legarda Leviste na bawasan an propuestong P250-billion na pondo para sa flood control projects sa 2026 asin ibalyo an dai mababa sa P200 bilyon sa edukasyon asin pagbawas sa budget deficit.
Sinabi pa kan kongresista na mas marhay na enuton an pagpapakusog kan edukasyon asin pagbawas sa fiscal deficit sa 3% bago pag-olayan an pagbawas sa buwis.
An mga flood control projects na natuyaw liwat makalihis an mahiwasang pagbaha na dara kan Bagyong Carina asin kan habagat, sa ibong kan labing 5,500 na proyekto na ipig-orgolyo ni Presidente Ferdinand Marcos Jr. kan nakaaging taon.
Sa saiyang ika-apat na SONA, tinawan duon kan Presidente an mga alegasyon nin korapsyon asin salang paggamit nin pondo asin pigsugo an DPWH na magsumiter nin listahan kan mga proyekto para sa mahigot na imbestigasyon.
Mientrastanto, sinabi ni Budget Secretary Amenah Pagandaman na bukas an DBM sa propwestong realignment asin nakadepende ini sa desisyon kan Kongreso.
Nagtugma suboot ini sa tema kan 2026 national budget kun saen matao nin mas dakulang alokasyon para sa edukasyon.
