LEGAZPI CITY – Pigkakabiliban sa ngunyan an sarong negosyante sa Ligao na nagpapabakal nin bagas na P20 sana an kada kilo.
Sa intrevista kan Bombo Radyo Legazpi kay Dindo Bataller, adbokasiya an baratong bagas kan saiyang pinsan na si Elena Cascante-Kipshoven na may kagsadiri nin molinohan sa nasabing lugar.
Lunad nin sakayan, naglilibot sinda sa mga barangay sa Ligao ngani na ipabakal an baratong bagas na pinagkakagulohan asin tulos man na nauubos kan mga residentes.
Limitado sana an pigpapabakal sa kada residentes ngani na gabos man an mapapabakalan.
Aminado si Bataller na lugi asin haros wara nin delihensya sa pagpapabakal nin P20 na kilo nin bagas, alagad sulit man suboot an kaogmahan sa simpleng tabang na ini mga residentes.
Ngunyan na semana nakatalaan naman na maglibot sinda Bataaller nganing liwat na magpabakal kan baratong bagas.
