Makakabakal na man nin P20 kada kilo nin bagas an mga minimum wage earners sa nacion.
Ini makalihis magkasundo “in principle” an Department of Agriculture (DA) asin Department of Labor and Employment (DOLE) na iiba na an mga minimum wage earners sa padagos na pilot run kan P20/kilo rice program.
Piglalaoman man kan Department of Agriculture na an mga eligible workers gikan sa mga participating companies an makakapuon nang maka-access sa P20/kilo rice program sa Hunyo.
Sa paagi kan programa, an NFA an pigtutugutang makabakal nin mas dakol na bagas gikan sa mga lokal na paraooma.
An baratong bagas an datihang napapabakal sana sa mga Kadiwa Stores para sa mga indigents, senior citizens, solo parents asin PWDs.
