LEGAZPI CITY- Nasa P17 million na pondo an itinagama kan lokal na gobierno kan ciudad nin Legazpi para sa hosting kan Palarong Bicol 2025.
Segun ki Department of Education Regional Sports Officer Francisco Dexter Sison sa intrevista kan Bombo Radyo Legazpi na dae na kinuwa an nasabing pondo sa special education fund kan ahensya kaya dakulang tabang ini para sa mga atleta.
Napag-araman na mayor na gagastusan kan nasabing pondo an mga sports equipment asin an mga pasilidad para sa regional meet.
aliwanag kan opisyal na importante na maitao sa mga atleta an standard na mga kagamitan ngani na masierto an magayon na performance kan mga ini sa manlain lain na sporting events.
Mientras tanto, sinabi si Sison na pinaglalaoman na nasa poco mas o menos 8,000 hasta 9,000 na mga atleta an maatendir sa Palarong Bicol 2025.
Afuera sa mga atleta asin coaches, pinaglalaoman man an pag-abot sa Legazpi City kan mga expectators asin mga suportadores kan mga atleta kaya pigkakarkulong nasa 12,000 an mabisita sa ciudad durante kan nasabing sporting event.
