LEGAZPI CITY-Ipighayag kan Gobernador kan Albay an suboot pinondohan nin haros P100 Milyon sa Barangay Cagbulacao, Bacacay Albay kun sain suboot completed na ini alagad kan dinuman mismo an wara man nin mga pisikal na konkreto.
Segun kay Albay Governor Noel Rosal, sa intrevista kan Bombo Radyo Legazpi, na kan magduman sinda sa lugar, wara sindang nahiling na anuman na konreto sa lugar alagad completed na ini sa papel kun sain igwa pang Phase 1 asin Phase 2.
Dugang pa niya na dapat ihapot ini sa Department of Public Works and Highways kun sain sinabi suboot na nasa P100 Milyon an pondo kada 1 kilometro.
Segun man sa nasabing ahensya na an nasabing lugar an mismong phase 1 kun sain pigkwestyun man ini ni Rosal, huli sa haros 3 taon na an nakalihis kan poonan an proyekto kan Nobyembre 2022.
Tinawan doon man kan opisyal an tatawanan ninda nin oras an ahensya ngani makapag-paliwanang dapit digdi kun sain dapat man na magpahiling an mismong district engineer ngani magin klaro an sitwasyon dapit sa proyekto.
Nanotaran man ni Gobernor Rosal, na warang drainage system an nasabing proyekto.
Piglinaw pa niya na dapat igwang mag-esplikar kaini kun sain dapat ipahiling an titulo, cope of work, pondo, status, asin contrator kaini.
Sinabi pa ni Governor Rosal, na kadakol pa sa mga binisita nindang lugar an wara man nin mga natatapos na proyekto.
