Inanunsyar kan Department of Justice an pagtataong pabuya sa kun sisay man an makapagtutukdo kan lokasyon ni Cassandra Li Ong.
Segun mismo kay Justice Acting Secretary Vida, maresibi nin kantidad na sarong milyon piso an makapagtatao nin impormasyon sa lokasyon ni Ong.
Ini suboot an pig-alokaran nin pondo kan DOJ ngani sanang mapanimbag asin maihambang sa korte an nasabing pugante asin akusado sa kasong ‘qualified human trafficking’.
Saro si Ong sa mga naisyuhan nin kanselasyon kan pasaporte makalihis na magpaluwas nin kasuguan an Pasig Regional Trial Court kan nakaagi.
Kapwa niya akusado si Atty. Harry Roque katakod sa saindang pagkaka-imbwelto sa ilegal na Philippine Offshore Gaming Operations sa Porac, Pampanga.
Paliwanag kan DOJ kun ngata kinakaipuhan pa ining gibuhon iyo an huli sa may kakayanan si Ong na magpalipat lipat nin lokasyon.
