LEGAZPI CITY-Itinagama an labi sa P1.30 trilyon gobyerno para sa pagpapa-uswag kan sektor nin edukasyon ngonian na taon.
Inanunsyo ini ni President Ferdinand R. Marcos Jr. sa saiyang speech sa 3rd Commencement Exercises kan West Visayas State University (WVSU) College of Law, kun sain pigduon niya an importansya kan padagos na puhunan sa edukasyon ngani mas mapakusog pa an sistema asin pagpapauswag nacion.
Durante kan nasabing aktibidad, pinangenotan ni President Marcos, kaibanan si First Lady Louise Araneta-Marcos, sa inagurasyon kan bagong apat na palapag na edipisyo sa nasabing unibersidad, kun sain igwang anom na classrooms, sarong review room, asin duwang moot courts bilang parte kan investment sa mga future lawyers.
Enot nang ipighayag kan Presidente na an national budget para sa 2026, iyo an nag-alokar kan pinakadakulang pondo sa historya para sa edukasyon, na nagkakantidad nin P1.345 trilyon o katumpad nin 4.36% kan Gross Domestic Product (GDP).
Gagamiton an pondo para sa recruitment kan mga paratukdo, learning recovery sa mga core subjects, school-based feeding programs, asin pagtogdok nin mga classrooms sa nacion.
