LEGAZPI CITY — Liwat na inuran nin reklamo an opisina kan Overseas Workers Welfare Administration (OWWA) katakod kan ipigbabarewas na cash relief assistance sa mga overseas Filipino workers (OFWs) asin pamilya kan mga ini na naapektaran sa pag-aalburoto kan bulkang Mayon.
Ipigdulok ni Annaliza Ariate, saro sa mga claimant kan nasabing assistance sa Bombo Radyo Legazpi an suboot bako organisadong sistema kan pagbabariwas kan assistance na rason tangarig na magkariribok sa pila an mga beneficiaries hale sa banwaan kan Daraga asin Legazpi City.
Segun ki Annaliza, nagpost an OWWA kan schedule kan distribution puon Marso 13 hasta 15 alagad kasuodma pa palan suboot ni-release gabos kan 1,500 control numbers na contrario sa enot nang napag-olayan na 500 katawo an ia-accomodate sa laog kan sarong aldaw.
Mientras tanto, Abril 17 na an second batch kan release para sa mga nasabing lugar kun saen piglalaomang makakaresibe kan puon P1,500 hasta P3,000 an mga active OFWs asin inactive subalit valid pa kan duwang taon an membership sa OWWA.
Magigirumduman na enot nang ipigreklamo an nasabing sistema sa banwaan kan Sto. Domingo kun saen nagpromesa man an OWWA na tulos na reresolbaran an isyu.
