LEGAZPI CITY – Pigpapamayuhan ngunyan kan Overseas Workers Welfare Administration (OWWA) Bicol an ipigkokundusir kaining programa na Search for Model OFW Family of the year kun sain igwang amon na pamilyang nominado para sa duwang kategorya.
Ini an sarong programa kun sain nagahanap an ahensya nin sarong pamilya na pwedesir na magin modelo na laog sa saindang criteria na igwang wholesomeness kan pamilya sa ibong kan pagkakaigwa ni harayong distansya sa lambang saro.
Segun ki Rowena Alzaga, tagapagtaram kan OWWA Bicol, kaibanan man sa saindang pighihiling iyo an pagigin successful sa pagpapa adal sa mga aki asin an pagigin successful sa pagkapot nin negosyo.
Dugang pa kaini na hali sa probinsya kan Albay, Sorsogon, Masbate, asin Catanduanes an mga kaibanan sa land base category mantang hali man sa Camarines Sur asin Albay an nagalaban para sa sea base category.
Pag-eksplikar ni Alzaga na sa paagi kan programa mawot ninda ipahiling na kayang imantenir an pagkakaigwa nin makusog na bonding kan pamilya maski pa harayo an saro sa mga miyembro kaini.
Napag-araman man na an manggagana an ilalaban sa national level kun sain makakahampang an 17 regional winners.
