LEGAZPI CITY- Nagsakat pa sa maabot sa 5,000 na trabaho an i-oofresir sa Kalayaan Job Fair sa Bicol region.
Isasagibo an nasabing aktibidad sa aga, Hunyo 12 kasabay kan ika-126 taon nin aldaw nin kalayaan.
Segun ki Department of Labor and Employment Bicol spokesperson Johanna Vi Gasga sa intrevista kan Bombo Radyo Legazpi na afuera sa mga local employment, igwa man na abilableng overseas employment.
Pinaglalaoman na dakulang tabang para sa mga namamanwaan an nasabing aktibidad huli ta magtatao ini nin dakol na trabaho sa publiko.
Sinabi kan opisyal na pig-eenganyar an mga mawot na magpartisipar sa nasabing job fair na mag-register na sa online ngani na dae na madifisilan pag-abot sa venue.
Kun naka pre-register na kaya an mga aplikante, dae na kinakaipuhan kan mga ini na mag-fill up nin form asin diretso na sa mismong aplikasyon.
Alagad sinabi ni Gasga na kun warang access sa internet o online registration, igwa man na mga personahe na magtataong asistensya sa mga ini sa mismong aldaw kan aktibidad.
