LEGAZPI CITY- Kumpiyansa an pamayo kan Police Regional Office 5 (PRO5) na dakol an mawawalat na legasiya kan naging liderato para sa mga kahimanwang Bikolnon antes pa man na magbaba asin magretiro sa posisyon.
Sa nagin mensahe ni PC/Supt. Melvin Ramon Buenafe sa isinagibong media fellowship night, haros daeng pundo an pagpapasalamat na itinao kaini sa mga nagin katabang sa mga lakdang kan PNP kun kaya naabot kan comandancia kan Disyembre an pagigin top performer sa Double Barrel Alpha mientras na nakatalaan pang numbrahan an PRO5 bilang Most Outstanding PRO sa Police Community Relations sa buong Pilipinas.
Piglalaoman man ni Buenafe na igwang sustainability an mga pig-oopresir na programa kan PRO5 na dawa pa maghale na siya bilang pamayo kaini.
