LEGAZPI CITY- Dakulang agyat ngunyan sa ciudad kan Legazpi an maraot na sitwasyon kan panahon.
Segun ki Private Schools Athletic Association Edgar Balasta sa intrevista kan Bombo Radyo Legazpi na naapektaran kan mga pag-uran an mga ourdoor games na nagkakaigwa nin rescheduling.
Pigpapadagos sana suboot an mga ini kun kakayanon kan salud kan mga atleta.
Paliwanag kan opisyal na prayoridad man liwat kan mga organizers an seguridad asin pagigin salbado kan mga semi-elite athletes.
Mientras tanto, sa presente nangengenot an mga rehiyon kan Central Visayas, Western Visayas asin Region 4A sa mga nakakasungkit nin dakol na bulawan na medalya.
Nahiling kaya an paghubog kan mga ini sa saindang mga atleta.
Alagad sinabi ni Balasta na nakikipagsabayan man an Bicol region sa mga sporting events.
