Aminado si dating Congressman Mike Defensor na nakaresibe siya nin impormasyon na nagtitinir pa sa Pilipinas si retired Marine sergeant Orly Guteza.
Alagad, sinabi ni Defensor na clueless siya sa eksaktong lokasyon ni Guteza.
Sinabi pa kan dating mambabatas na wara siyang direktang komunikasyon ki Guteza.
Base sa impormasyon na saiyang naresibe, nasa marhay na kamugtakan si Guteza.
Naglalaom man si Defensor na malantad liwat si Guteza kasunod kan dai pa sana nahahaloy na paglutang kan 18 suboot dating Marines na nagbuyagyag na nagserbi sindang bagmen asin nagdara suboot nin P805 bilyong kantidad nin male-maletang kwarta bilang kickbacks hale sa anomalya na flood control projects.
Magigirumduman na nagin bantog an pangaran ni Guteza makalihis na ipresentar siya bilang testigo sa ginibong hearing kan Senate Blue Ribbon Committee, na nag-imbestigar kan mga maanomaliyang flood control projects.
Digdi, nagtestigo si Guteza na siya suboot an nagserbe bilang security aide ni dating Ako Bicol Party-list Representative Elizaldy Co asin nagdara nin dakulang kantidad nin male-maletang kwarta sa nagkapirang pulitiko kabale na si Co asin dating House Speaker Martin Romualdez
Iprinesentar ni Senador Rodante Marcoleta si Guteza na pinabisto ni Defensor sa hearing kan Senate Committee.
