LEGAZPI CITY- Nakatalaan na puunan sa bulan kan Marso an pagkokundusir kan orientation sa mga lokal na gobierno sa Albay dapit sa community based drug rehab and aftercare program.
Pinaglalaoman na mapupuunan an nasabing aktibidad sa bulan nin Marso.
Segun ki Philippine Drug Enforcement Agency Albay Director Noe Briguel sa intrevista kan Bombo Radyo Legazpi na napagdesisyunan kan Provincial Drug Abuse Council an nasabing programa para sa padagos na paglaban sa iligal na droga.
Pinaglalaoman na dakula an maitatabang kan aktibidad para sa crime reduction strategy.
Paliwanag kan opisyal na padagos an pag-alala kan gobierno sa mga drug users ngani na dagos ng malingawan asin talikudan kan mga ini an iligal na droga.
Segun sa opisyal na an mga barangay na naideklarar ng drug cleared an kinakaipuhan na mag-monitor sa mga padagos na naiimbwelto sa iligal na droga ngani na mai-turn over an mga ini sa team na nagmamando sa community drug rehabilitation and aftercare program.
Nagtutubod si Briguel na sa paagi kan tamang interbensyon sa mga drug personalities, matatabangan an mga ini na magkaigwa nin kapaki-pakinabang na buhay.
