LEGAZPI CITY – Pinag-aadalan na kan komitiba sa Sangguniang Panlungsod ng Legazpi an pag-adopt sa ipinaotob na ordinansa ni Manila Mayor Isko Moreno sa pag-regulate sa mga videoke.
Nahihiling ni SP Committee on Public Order and Safety Chairman asin Coun. Al Barizo an importansya kan ordinansa nganing dai maistorbo an mga nasa online class na estudyante.
Sa intrevista kan Bombo Radyo Legazpi ki Barizo, sinabi kaini na dai pang eksistidong ordinansa an ciudad dapit digdi mantang ipigbubusol pa sana an pagbabawal sa pag-videoke puon alas-10:00 nin banggi hasta alas-4:00 nin maagahon.
Aminado si Barizo na maski irason na nasa pribadong lugar man, nadadangog man an volume kan videoke na posibleng makaapektar sa pagtaraid na mga harong.
Pigbibisto man kan konsehal na igwa nang pangangaipo sa pagmumukna kan nasabing ordinansa kaya target na matukar ini sa masunod na session.
Sa ngunian, manageable pa man an sitwasyon mantang wara pang nagrereklamo dapit sa mga videoke.
