LEGAZPI CITY- Aprubado na sa Sangguniang Panlungsod kan Legazpi an ordinansa na matutok sa regulasyon kan water refilling station sa ciudad.
Segun ki Sangguniang Panglungsod ng Legazpi Committe on Health and Human Rights head Councilor Alex Jao sa intrevista kan Bombo Radyo na obheto kaini na masierto na salbado asin purified an tubig na pigkokunsumo kan publiko.
Kinakaipuhan suboot na maasegurar na nasa high quality standard an purification system kan mga water refilling station.
Napag-araman na an mga hali sa banwaan na nagdi-deliver nin tubig sa Legazpi City an kinakaipuhan man na hagadan nin mga requirements.
Sa presente sinabi kan konsehal na nakikipag koordinar na man sinda sa iba pang mga lokal na gobierno.
Saro sa mga mawot na masierto iyo monthly examination kan tubig kaya pighahagad ngunyan an listahan kan mga refilling stations na igwang business permit.
Dugang pa ni Jao na plano ngunyan na magbilog nin task force para sa implementasyon kan ordinansa.
An mga violators an posibleng mapatawan nin penalidad na nasa P3,000 hasta P5,000 asin an mga warang permit an posibleng masunadan nin kaso.
