Nagtaong onra sa giraray sa Original Pilipino Music (OPM) an sikat na Filipino band na Ben&Ben makalihis sindang maitampok sa sarong digital billboard sa Times Square sa New York City.
An pagpapahiling kan saindang imahe sa saro sa mga pinakaprestihiyosong lokasyon sa kinaban an kabtang kan kampanya kan sarong global streaming platform na obhetong i-highlight an mga artist na gikan sa manlain-laing lugar kan kinaban.
Para sa Ben&Ben, saro ining importanteng milestone na nagbubugtak padiit-diit sa OPM sa world stage.
Ipighayag kan banda an saindang pasasalamat sa saindang fans asin sa pagkakataon na maihearas an saindang musika sa mas mahiwas na audience.
Sa ibong kan global recognition, nagtetenir an Ben&an saindang obheto na magtao nin inspirasyon asin paglaom sa paagi kan saindang musika.
An naunambitang banda an midbid sa saindang heartfelt lyrics asin unique sound an padagos na nagigin kinatawan kan kulturang Pilipino sa international music scene.
An saindang trayumpo an bako sana para sa banda kundi para man sa enterong industriya kan musika sa Pilipinas.
Sa kada lakdang na saindang piggigibo sa stage, nagbukas sinda nin mas kadakol na oportunidad para sa iba pang Filipino artists na mamidbid sa bilog na kinaban.
