LEGAZPI CITY- Kasado na an preparasyon kan Land Transportation Office Bicol ngunian na paparani na an obserbasyon kan Undas kun saen piglatag na kaini an Oplan Biyaheng Ayos Undas 2024.
Segun kay Franciso Ranches Jr. an Regional Director kan LTO Bicol sa intrevista kan Bombo Radyo Legazpi, igwang duwang phase an saindang aktibidad kun saen an phase 1 an mapuon sa Oktobre 21- 27 ngunian na taon mantang an phase 2 an gigibuhon sa Oktobre 28- Nobyembre 4, 2024.
Igwa naman sindang mga nakalatag na deployment areas katuwang an Regional law enforcement team asin mga law enforcement team gikan sa manlaen laen na probinsya kan rehiyon.
Dugang pa kan opisual na nakafocus sinda ngunian sa pagtataong asistensya sa mga motorista alagad kun igwa suboot na mga magpapasaway an dadakupon man ninda sa paagi kan batas trapiko.
Mientrastanto, papakusogon kan ahensya an pagpapaimplemintar nin mga operasyon dapit sa anti colurum vehicle, basic law, kaligtasan sa mga terminals asin pagbabarewas nin mga road safety materials sa publiko.
