Ipigsugo ni Presidente Ferdinand Marcos Jr. sa 168 opisyal kan mga government-owned and controlled corporation na magsumiter kan saindang courtesy resignation.
Basado sa abiso kan Governance Commission for GOCCs sinugo an mga state-owned firm na sunudon an mga itinakdang proseso sa pagsumiter kan saindang pagbutas sa pwesto.
Nagkapira sa mga government-owned and controlled corporation an Land Bank of the Philippines (Landbank), Development Bank of the Philippines (DBP), Philippine Amusement and Gaming Corporation (PAGCOR), Philippine Health Insurance Corp. (PhilHealth), asin Pag-IBIG.
Sakop kan pangapudan kan pagsunad nin courtesy resignation an mga chief executive officer (CEO) asin non ex-officio chairperson, na kaipuhang i-address an saindang letter sa Presidente asin isumiter ini sa paagi kan Office of the Executive Secretary.
Siring man an mga appointive director, trustee, asin mga miyembro kan mga GOCC Governing Board, na dapat magsumiter kan saindang resignation letter direkta sa GCG alagad naka-addrees man giraray sa Presidente.
Nakasalalay man sa Presidente an pagmamantenir, pagtangkas o pagriribay sa mga opisyal kan government-owned and controlled corporation.
Magigiromdomang enot nang nangapudan nin courtesy resignation si Presidente Marcos sa gabos nin miyembro kan saiyang gabinete.
