LEGAZPI CITY-Nilinaw kan opisyales kan Brgy. Victory Village South sa Legazpi City an isyu manungod sa pag-enganyar suboot kan barangay na i-abandona an mga atamang hayop.
Segun ki dating Barangay Vet Coordinator Laurice T. Dazal, sa intrevista kan Bombo Radyo Legazpi na pig-eenganyar ninda an tama asin responsableng pet ownership sa paagi kan mga programa sa ciudad.
Alagad dakol suboot na pangyayari kun sain pigwawalat kan mga pet owner an saindang ataman sa lugar na minsan nagkakawsa nin peligro.
Dai man suboot ninda pigkokonsidera an peligro kun kaya namamagitan an sinda ngani matabangan an mga residente.
Naghahanap man an saindang konseho nin paagi ngani malikayan an animal bites orog na an rabies para sa seguridad kan mga residente asin kan mga atamang hayop.
Pangapudan kan opisyal sa mga residente na magin responsable bilang pet owners asin dai basta basta ini itapok o pabayaan para sa kaligtasan kan saindang komunidad.
