LEGAZPI CITY-Papatawan nin multa kan mga opisyales kan Brgy. Bitano Legazpi City an sisay mang iligal na nagtatarapok kan saindang mga basura sa lugar basado sa ipinaluwas na ordinansa kan ciudad.
Segun kay Brgy. Kagawad asin Committee on Environment Joseph Bantiqui sa intrevista kan Bombo Radyo Legazpi na basado sa ordinansa papatawan nin pagbayolar sa RA 9003 o an Ecological Solid Waste Management Act of 2000.
An enot na opensa an nasa P2,000, ikaduwang opensa nasa P3,500 asin ikatulo nasa P5,000, alagad kun magkaigwa pa nin pagbayolar an tuluyang ikakansela an saindang mga business permit.
Pigtuturo man na rason kan konseho an mga paratienda nin niyog kun sain iyo an pigtutubudang pirmihang nagtatapok nin basura sa saindang lugar.
Hagad man ninda an diit na pasensya sa mga residentes alagad dai man suboot sinda nagtotonong sa pagmantenir kan kalinigan sa barangay.
Nagpapadagos man suboot an pag-karga nin truck kan mga basura ngani mamantenir an kalinigan sa saindang barangay.
