LEGAZPI CITY-Nagtutubod an mga opisyales kan Barangay 38 Gogon Legazpi City sa kooperasyon kan mga magurang asin jovenes sa saindang trayumpo bilang Top Performing Barangay sa paagi kan Barangay Council for the Protection of Children na isinagibo sa ciudad kan Legazpi.
Segun kay Punong Barangay Ma. Theresa Naz, sa intrevista kan Bombo Radyo Legazpi na dai ninda pinaglalaoman an magin top performing alagad dakulaon suboot ining honra para sa sainda.
Enot suboot na napabale an saindang barangay sa nasabing award, taong 2023 kun sain dakula an saindang pasasalamat sa Barangay Council for the Protection of Children.
Dagdag pa kan Punong Barangay na nahihiling nindang rason an dakulang suporta kan mga magurang para sa mga kaakian.
Nagkakaigwa man suboot sinda nin mga programa na pigaapod na ‘annual financial plan’ kun sain 1% kan budget kan saindang barangay an napapaduman sa BCPC kun sain pig-iimplementar an mga konkretong plano asin programa para sa mga kaakian.
Sa paagi kaini, pigaasigurar man suboot an mga direchos, proteksyon, asin debevelopment kan mga joven sa paagi kan mga programa asin manlain-lain na aktibidades.
Dakula man an nagin impluwensya kan mga magurang para sa saindang mga aki siring man an impluwensya kan
mga masunod na henerasyon, sa pagigin modelo asin giya ngani maisagibo an mga programa.
