LEGAZPI CITY- Nangapudan an mga lokal na opisyal kan Barangay Arimbay, Legazpi City na hidalion na an mga pagpapatrabaho sa mga tinampo huli sa epekto kaini sa mga namamanwaan.
Paliwanag ni Kagawad Jayson Mendina sa intrevista kan Bombo Radyo Legazpi na nagkakawsa nin gubot na trapiko an nasabing mga road construction.
Dakula na suboor an epekto kaini urog na sa mga estudyante asin mga malaog sa saindang trabaho.
Napag-araman na nagpuon kan nakalihis na taon an road construction sa Barangay Bigaa alagad an laba kan trapiko an nakaka abot na sa saindang lugar.
Dugang pa ni Mendina na hagad ninda na maparikas an patrabaho ngani na maibitaran man an pang haluyan na epekto sa mga motorista asin mga biyahero.
