LEGAZPI CITY- Sarado an mga opisina kan Commission on Elections (COMELEC) Bicol tuyong aldaw nin Lunes, sa bilog na bulan kan Abril.
Ini an basado sa memorandum na ipinaluwas kan Comelec Manila, bilang pag-otob sa kasuguan kan gobierno national na magtipid sa enerhiya.
Segun ki Albay Provincial Election Supervisor Atty. Maria Aurea Bo- Bunao sa intrevista kan Bombo Radyo Legazpi na magpapadagos an pagtataong serbisyo sa publiko tuyong aldaw nin Martes hasta Sabado, puon alas-8 nin aga hasta alas-5 nin hapon.
Nilinaw man kan opisyal na dagos man liwat an pagsasagibo nin mga satellite registration kan ahensya, katakod kan nagdadangadang na pirilian.
Katakod kaini, inenganyar man kan opisyal an publiko na aprobitsaran an nasabing mga aldaw para sa voter registration asin iba pang mga transaksyon.
