LEGAZPI CITY – Balik na sa normal an operasyon ngonyan sa pantalan kan Pio Duran, Albay makalihis na magrahay na an panahon huli sa epekto kan bagyong Aghon.
Sa intrevista kan Bombo Radyo Legazpi ki Pio Duran Municipal Disaster Risk Reduction and Management Office Head Noel Ordoña, nakabiyahe na ang gabos na mga na-stranded na pasahero na nag-abot sa 1,300.
Ipinagpasalamat man ni Ordoña na warang nanirehistrong anumang mga dae pinaglaoamang mga insidente.
Segun sa opisyal nagin matrayumpo an mga ginibong amay na paghahanda ngani na magin salbado an mga residente.
Sa katunayan, gabos na purok sa nasabing banwaan an inabisuhan na magpreparar asin magin alerto bilang paghahanda sa nasabing raot kan panahon.
Ini an saro sa mga ginibong lakdang rason ngani na malikayan an darang peligro kan bagyong Aghon.
