LEGAZPI CITY- Nagpahayag an pulisya kan Sorsogon nin pagigin bukas sa anumang pag-oolay na may kinaaraman sa pagresolber sa kariribukan sa nasabing provincia.
Segun ki Sorsogon PNP Provincial Director PS/Supt. Ronaldo Cabral, pwedesir na maipadagos an orolay pangkatoninongan sa lokal na lebel kun dae man ini naotob sa national level.
Nagtatao naman suboot sinda nin inisyatiba tangarig na magkaigwa nin pagkakasundo sa mga kapwa man sana Bicolano.
Inako man kaini na makusog man giraray sa nagkapirang lebel an presensya kan rebeldeng grupong Nerw People’s Army sa provincia alagad matoninong na sa ibang provincia.
Hagad man ni Cabral an pakikipagtabangan kan komunidad tangarig na magin epektibo an pigmamawot na localized peace talks.
