LEGAZPI CITY- Onseng persona an nagbagsak sa kamot kan mga otoridad makalihis an ipigkundusir na anti-illegal gambling operation sa banwaan kan Bacacay.
May edad na an haros kadaklan sa mga naarestar kan mga tauhan kan Bacacay Municipal Police Station na binistong sinda Ernesto Besmonte, 56-anyos; Porferio Sambajon, 39; Jose Bequela, 75; Ariel Gonzales, 58; Sonny Lasala, 32; Domingo Bernardes, 74; Salvador Baraquiel, 66; Jose Lunas, 58; Romulo Serrano, 51; Nelson Bonaobra, 58 asin Ruben Burac, 46-anyos.
Nakumpiskar sa mga ini an 14 bugkos nin betting paper o papel na pigsusuratan kan taya, 48 pidaso nin ballpen, sarong ink, sarong stamp pad asin taya na nagkakantidad nin P3,104.
Nasa kustodiya na an mga ini ngunyan kan nasambitan na pulisya ngani na kahampangon an kasong illegal gambling na isasangat kontra sainda.
