LEGAZPI CITY-Tinawan doon ni Ombudsman Jesus Crispin “Boying” Remulla na hahabulon asin babawion kan saiyang ofisina an suboot mga ill-gotten wealth na itinago sa Estados Unidos asin sinabing dai dapat magin ligtas na kanlungan an Estados Unidos para sa mga yaman na iligal na nakuha hale sa Pilipinas.
Isinagibo ni Remulla an pahayag sa laog kan sarong miting sa town hall makalihis an ika-7 Global Conference on Sustainable Development Goal 16 sa headquartes kan United Nations sa New York, alagad dai niya nginaranan an mga partikular na indibidwal o propersty na target kan operasyon.
Tinawan man duon man niya an padagos na mga reporma sa Office of the Ombudsman, kabali na an digital transformation, pagpapakusog kan transparency, asin pakikipagtabangan sa mga overseas Filipinos ngani na mas mapakusog pa an kampanya laban sa korapsyon.
Magigirumduman na sinabi man ni Remulla na ngonian na bulan na mas pinakusog kan Ombudsman an imbestigasyon sa mga iregularidad sa flood control projects, na igwang 209 na reklamo sa irarom kan fact-finding investigation asin apat na kaso an isinangat na sa husgado.
Sa saiyang pahayag, nanindugan si Remulla na an Estados Unidos, dai dapat magin pailihan nin yaman na fatal sa integridad kan gobierno, asin nangapudan nin mas makusog na kooperasyon sa internasyunal na lebel ngani labanan an korapsyon.
