LEGAZPI CITY-Pigsangatan nin kaso kan Office of the Ombudsman sinda dating DepEd Secretary Leonor Briones, dating PS-DBM chief Lloyd Christopher Lao, at iba pang opisyal ng DepEd asin PS-DBM mapadapit sa suboot P2.4 bilyong overpriced asin outdated na mga laptop para sa mga paratukdo kan taon 2012.
Naglaatw an kasong graft, falsification of public documents, asin perjury, makalihis an imbestigasyon kan Senate Blue Ribbon Committee asin kan Commission on Audit (COA).
Segun sa Ombudsman, an binakal na mga laptop, nasa kantidad nin P58,300 kada unit, na harayo sa orihinal na budget na P35,000, asin dai pasado sa technical specifications.
Napag-araman na warang pormal na Memorandum of Agreement (MOA) kan isagibo an procurement, kaya pigkokonsiderar ining iregular asin warang legal na batayan.
Pigtukoy man kan Ombudsman na an gobyerno nawaran nin haros P979 milyon huli sa overpricing, asin an mga laptop dai suboot nagamit kan mga paratukdo kan online learning.
Liban kay Briones, kairiba man sa mga pigpapakasuhan sinda DepEd Undersecretaries Annalyn Sevilla, Alain Pascua, asin nagkapirang PS-DBM officers na sinda Jasonmer Uayan asin Ulysses Mora.
Naaraman na igwang mga opisyal an pinatawan nin preventive suspension asin dismissal from service huli sa grave misconduct asin serious dishonesty.
