Kinumpirmar ni Assistant Ombudsman Atty. Mico Clavano na pinadarahan na kan ‘preliminary investigation team’ si dating House Speaker Martin Romualdez nin kasuguan ngani na magsumiter nin ‘counter-affidavit’.
Tinawan ini nin 15 aldaw puon kan maresibe an surat ngani na magsumiter kan saiyang kontra-salaysay antes dagos na gibuhon na ‘submitted for resolution’ an mga reklamo.
Nahahampang si Romualdez sa reklamong plunder, money laundering asin iba pa katakod kan suboot anomalya sa flood control projects.
Afuera sa dating House Speaker, pigpapasimbag man an iba pang mga respondents sa nasabing reklamo.
