Kumpiyansa si Ombudsman Jesus Crispin Remulla na babalik sa Pilipinas sinda Senator Loren Legarda asin an aki kaini na si Batangas Rep. Leandro Leviste, makalihis na maghale kan nacion mantang nahahampang sa imbestigasyon ng Office of the Ombudsman.
Katakod kan mga reklamong plunder asin graft laban kay Leviste asin sa saiyang renewable energy company.
Segun ki Remulla, nagtutubod siyang mabalik an mag-ina sa nacion. Alagad nagpatanid siya na pwedesir sindang mahampang sa kaukulang legal na lakdang kun dae sinda mauli.
Mientrastanto, nilinaw ni Senator Loren Legarda na ang saiyang paghale kan nacion an parte kan naenot nang inaprubahang medical leave puon Agosto 3 hanggang 5, alinsunod sa mga patakaran ng Senado.
Hinagad man niya sa publiko na dae ipagkonektar an saiyang biyahe sa mga warang basehan na paratang laban saiya.
Naenot man na sinabi kan National Bureau of Investigation (NBI) na bumiyahe si Legarda pasiring sa France, mantang si Leviste man an nag-agi muna sa Hong Kong bago nagpasiring sa France.
Katakod kaini, nagsunad na man nin reklamo ang Department of Energy sa Department of Justice laban kay Leviste asin pirang opisyal kan Solar Para sa Bayan Corporation huli suboot sa kabiguang maghatod nin suplay nin kuryente sa mga liblib na lugar sa nacion, siring kan nakasaad sa saindang prangkisa.
