Ibinasura kan Ombudsman an petisyon ni Bamban, Tarlac mayor Alice Guo na i-lift an suspensyon na ipinataw saiya.
Basado sa resolusyon kan Ombudsman na makusog an mga ebidensya na ipig presentar kontra sa suspendidong alkalde.
Marurumduman na pigkokonektar si Guo sa na-raid na iligal na Philippine Offshore Gaming Operator sa nasasakupan kaining banwaan.
Makalihis na maresibe an nasabing resolusyon kan Ombudsman, sinabi kan kampo ni Guo na i-aapela ninda ini sa Court of Appeals.
Hasta sa ngunyan kaya, padagos na pignenegaran ni Guo na may kinaaraman siya sa anuman na POGO operations asin sinabing inosente siya.
