Pigsyerto kan Office of the Ombudsman na pinal asin dae na mabago an saindang desisyon na matangal na sa pwesto si Bureau of Fisheries and Aquatic Resources (BFAR) National Director Demosthenes R. Escoto.
Sa iniluwas na walong pahinang joint order, dae pig-ako kan OMB an motion for consideration ni Escoto kan ika-5 ng Pebrero sa presenteng taon para sa dismissal niya sa pwesto nin huli sa mga kaso kan grave misconduct asin conduct prejudicial to the service, pati na man filing of graft charges.
Susog sa orden, mamanteniron kan OMB an saindang naging tugon kan Pebrero na dagos nang maali sa pwesto si Escoto kun saen kan nuarin sana naitaas ini asin pigdeklarar na dagos na ining perpetually disqualified.
Ibig sabihon an dae na pwedeng dumalagan o kumuwa nin dawa anong posisyon sa gobyerno si Escoto.
Kabale man sa padusa an cancellation of eligibility, forfeiture of retirement benefits, asin perpetual disqualification to hold public office kaini.
Mientrastanto, magigirumduman mang nag-ugat an mga kaso na ini ni Escoto hale sa sarong 2018 purchase kan mga transmitters asin transrecievers para sa integrated Marine Environment Monitoring System Project Phase II (PHILO Project) kan BFAR.
