LEGAZPI CITY-Naglangkaw an presyo kan langis poon ngonian na aldaw nin Lunes, Marso 23, 2026, makalihis na magtao si US President Donald Trump nin 48-oras na ultimatum ngani buksan an Strait of Hormuz, na iyo an kritikal na agihan para sa one-fifith kan pigpapaluwas na mga langis sa bilog na kinaban.
Pirang segundo makalihis na magsakat an 2200 GMT, an presyo kan West Texas Intermediate (WTI), na pangenot na benchmark crude oil sa US, luminangkaw nin sagkod 1.8%, rason ngani magpakol sa $100 kada bariles, bago ini bahagyang buminaba.
Naglangkaw man an presyo kan North Sea Brent crude, an mayor na benchmark para sa presyo kan langis sa bilog na kinaban, kun sain nasa $113.44 kada bariles, bago buminagsak sa $111, mga 45 minutos sa trading.
Kan Pebrero 27, sarong aldaw bago ilansar kan US asin Israel an pag-atake sa Iran, nasa $67.02 asin $72.48 kada bariles an presyuhan kan nasabing crude oil.
