Nasulo an saro sa mga oil depot kan Russia sa Rostov region huli sa pag-atake kan Ukraine gamit an drones.
Segun kay Rostov Governor Vasily Golubev, duwang drones an pinalayog kan Ukraine pasiring sa pasilidad.
Nagibo man kan air defense system kan Russia na mapabagsak an mga drones alagad naghugpa an debris kaini sa tambakan nin diesel fuel na marikas na nagkawsa nin kasulo.
Dae man nin naireport na nalugadan sa insidente.
Sa lado man kan Ukraine, kinumpirma kaini an ika-tolong na pagpapalayog nin ballistic missiles kan Ukraine.
Pinagtutubudan na gibo an missile hali sa North Korea, na marikas man na napabagsak kan air defense system kan nasyun.
Hasta sa ngunyan nagpapadagos an bakbakan kan duwang nasyun na sentro ngunyan kan engkwentro an Kursk Region na teritoryo kan Russia alagad nakontrol na kan Ukraine.
