LEGAZPI CITY- Pinag-oolayan na kan mga concerned government agencies an itataong aldaw sa isasagibong ocular inspection o kabilugang survey sa bulkang Mayon makalihis ining ibaba sa Alert Level 3 status.
Sa intrevista kan Bombo Radyo Legazpi ki Presidential Adviser on Political Affairs asin Mayon Eruption overall crisis manager Secretary Francis Tolentino, parte suboot ini kan preparasyon sa pigkakahaditang pagbaba kan natipon na lahar deposits sa mga pagputok kan bulkan.
Obheto kaya kan nasabing pag-aadal na mahiling an mga tributaries o mga salog na igwang volcanic sediments na bubulusan kan lahar sa mga piglalaomang makukusog na pag-uran o bagyo sa bulan kan Hulyo asin Agosto.
Segun pa ki Tolentino na apat na local government units sana kan nakaaging semana an ipigkokonsiderar bilang lahar prone areas alagad sa naging pag-oolay kasuodma naaraman na gabos palan kan siyam na LGUs an posibleng maapektaran kun en kaso.
Enot naman na naaraman ki Philippine Institute of Volcanology and Seismology (PHIVOLCS) Dir. Renato Solidum na nag-abot na sa 65 million cubic metres an total ejecta kan volcanic materials hale sa Mayon sa ipigsagibong recalculation.
