Naghahanda na an Office of Civil Defense (OCD) sa posibleng epekto kan Habagat asin an pigbabantayan na tulong bagyo sa luwas kan Philippine Area of Responsibility (PAR).
Nagsagibo na man an ahensya nin Pre-Disaster Risk Assessment (PDRA) kaibanan an manlain lain na ahensya kan gobierno asin mga lokal na gobierno bilang preparasyon sa pinaglalaoman na raot nin panahon.
Segun ki OCD Assistant Secretary Bernardo Rafaelito Alejandro IV, posibleng magpuon an monsoon rains ngunyan na Lunes o sa Martes asin magpapadagos hasta sa Huwebes o Biyernes.
Posible man suboot na magkawsa ini nin mga pagbaha, pagrasay nin daga, paglangkaw kan lebel nin tubis sa mga salog, asin maka apektar sa transportasyon asin agrikultura.
Pigpapakusog man kan OCD an koordinasyon sa mga ahensya asin LGU na posibleng maapektaran kan tulong weather system.
Sinierto man kan ahensya na preparado an saindang response team, iba pang relief supplies para sa marikas na pag-aksyon sa mga posibleng insidente.
