LEGAZPI CITY – Preparado na an Office of the Civil Defense (OCD) Bicol para sa isasagibong nationwide simultaneous earthquake drill.
Segun ki OCD Bicol Nationwide Simultaneous Earthquake Drill Co-focal person Francis Bibz Licup sa intrevista kan Bombo Radyo Legazpi na nakahanda na an Regional Disaster Risk Reduction and Management Council memo kun sain ipinadara sa mga ahensya kan gobierno pababa sa mga lokal na gobierno nganing magsabay sa aktibidad.
Nakatalaan man suboot na makisumaro sa nasabing drill an mga eskwelahan sa enterong rehiyon.
Pigheras niya man para sa kaaraman kan publiko na apat na beses sa sarong taon nagkokondusir nin earthquake drill huli ta ini an first line of defense kan satuyang mga sadiri asin nganing masanay an publiko mapadapit sa dapat gibuhon enkaso magkaigwa nin tunay na pag-linog.
Pigtaram pa kan opisyal na enkaso magkaigwa nin linog an dapat rumdumon kan mga tawo an duck, cover, and hold nganing masyerto an kaligtasan kan lambang saro.
Piglalaoman man suboot na makikisumaro an gabos an mga nagtatrabaho asin nagkaklase sa mga private sector sagkod sa mga buru-barangay sa earthquake drill.
Susog man sa saindang datos iyo an nagtataas an numero kan mga grupo asin indibidwal an nagpapartisipar sa taonan na drill.
Pig-enganyar ni Licup an gabos na makisumaro saaga, Hunyo 19, poon alas 9 nin pagkaaga para sa nationwide simultaneous earthquake drill huli ta sa rehiyon bikol an bida an pirming handa.
 Bicol is ready for the upcoming nationwide simultaneous earthquake drill. According to OCD Bicol Nationwide Simultaneous Earthquake Drill Co-focal person Francis Bibz Licup in an interview with Bombo Radyo Legazpi, the Regional Disaster Risk Reduction and Management Council memo has been prepared and sent to government agencies down to local governments to join the activity.){kind=link}